|
www.Network.am կայքը ստեղծվել և գործում է 2004 թվականից:
Նախագծի հիմնական նպատակն էր լրացնել հայկական համացանցում ծրագրերի բեռնման կայքերի բացը և անշահախնդիր կերպով հայկական ցանցի օգտվողին հնարավորություն ընձեռել ազատ բեռնել առաջին անհրաժեշտության որակյալ համակարգչային ծրագրեր: Կայքը շատ արագ հանրահայտ դարձավ, ինչը հետևանք էր մշտապես թարմացվող, արդիական բովանդակության, ինչպես նաև ներկայացված ծրագրերի տվյալ պահի վերջին և թարմ տարբերակների առկայությանը:
Քայլելով ժամանակի պահանջներին համընթաց և կռահելով ՏՏ աշխարհի զարգացման տենդենցները 2006թ.-ից որոշում կայացվեց շեշտը դնել freeware և opensource ազատ օգտագործման ենթակա ծրագրերին՝ կայքի օգտվողներին ծանոթացնելով քիչ տարածված, բայց իրենց հնարավորություններով և որակով շատ անգամ իր վճարովի անալոգին գերազանցող ազատ տարածման ծրագրերին, ընձեռելով այլընտրանքի հնարավորություն:
Կայքի այցելուների օրեցօր աճող քանակի և բեռնումների ծավալներին դիմագրավելու համար 2007թ.-ին հայկական ցանցի տարբեր խոշոր ինտերնետ պրովայդեռների մոտ տեղակայվեցին կայքի հայելային տարբերակները, դրանով իսկ հնարավորինս շրջանցելով հայկական ցանցի հնարավոր խափանումները և բեռնման ցածր արագությունը:
2008թ.-ին վերակառուցվեց և գործարկվեց կայքի 3-րդ տարբերակը, կայքը դարձավ հայալեզու, ավելացան փնտրման համակարգը և հարմարավետ նավիգացիան: Այսօրվա դրությամբ Network.am-ը հաջողությամբ կատարում է իր առաքելությունը. կայքը ոչ միայն հանդիսանում է *.am-ում իր բովանդակությամբ եզակի և մշատապես թարմացվող ամենամեծ կայքը, այլև ունի հազարավոր այցելուներ, իսկ բեռնված ինֆորմացիայի ծավալը կազմում է ամբողջ Հայաստանի ներքին տրաֆիկի զգալի մասը: Արժանահիշատակ է նաև այն, որ mirror-ները տեղակայելուց հետո կայքն առաջինն ու միակն է, որ խոշոր պրովայդերների մոտ ունի իր «հայելային» տարբերակները, ինչը թույլատրում է հնարավորինս անխափան և բարձր արագությամբ միշտ հասանելի լինել հայաստանաբնակ օգտագործողներին ...
Չնայած եկամուտների, հովանավորության բացակայությանը և կայքի պահպանման դժվարություններին, շարժվելով հայկական ցանցի զարգացման գաղափարախոսությամբ, կայքը եղել է, կա և կլինի՝ այցելուներին անշահախնդիր ապահովելով մշտապես թարմ և արդիական ծրագրային ապահովմամբ:
| 
